TolishMedia informasiyə agentəti muxbir Boku şəhəriku xəbə doedə ki, çı Ozobiconi Milliə Cəbhə Partiyəy rəyosəti heyəti uzv Məmməd İbrahimi zoə Mehdi İbrahimovi zindonxonədə ənəhardə aksiyə binoş kardə.

Bə pevılo bıə məlumoton əsosi, Mehdi İbrahimov de koronavirusi infeksiyə pevılo karde ittihihomi bo 3 mangi həbs kardə bıəbe. Çı zoəy həbsiku çand ruj bəpeştə çəy pıəən həbs kardə bıəbe, bəy de cinoyəti məcəlləy 4 gılə maddəon ittihomon bə nav doə bən, ə cumlədə “de zuy hukməti gətım karde”.

Bə yod dəğandəmon ki, cıvonə fəol “Yeni Azərbaycan” hakimə partiyə uzve, eyni zəmonədə çəy pıə mıxolifətə partiyə xodime.