TolishMedia informasiyə agentəti muxbir Gəncə şəhəriku xəbə doedə ki, bə şəhəri prokurorəti məlumət rosniə bıə ki, Ğırmızıkənd ğəsəbədə jiə 1972-nə sori təvəlludinə Aygun Hacıyeva de çəxu kıştə bıə.

Bə pevılo bıə məlumoton əsosi, sıftənə təyğaton vaxtədə oşko bıə ki, jen ıştə zoə, 2001-nə sori təvəlludinə Elnur Hacıyevi tərəfo çəvon arədə konflikti nəticədə kıştə bıə. Bardə bıə təyğaton nəticədə Elnur Hacıyev de cinoyəti karde şubhə həbs kardə bıə.

Ğeyd bıkəmon ki, de ım hodisə angıl de cinoyəti məcəllə 120.1 (de ğəsdi odəmi kışte) maddə cinoyəti ko oj kardə bıə, mıvofiğə ekspertiza təyin kardə bıə.