TolishMedia informasiyə agentəti xəbə doedə ki, de Suriyaku iyın Liviyəku vardə bıə terroriston bə ico Tırkiyə de Boku diktatorə rejkmi roziyəti Ğərəboği cangədə iştirok karde xoto İrakiku turkmənə terroristonən bə Ozobicon vığandəşe.

Im iyən co terroriston cangədə daxil karde məğsəd Ğərəboği de İroni sərhədiku co kardeye. Ehanə ım programa de ovandi bə jimon dəvoniə bıbu, ım zəminon de terroriston iyən tırkə tobyəon səbəso kardə bəben.

Vey mımkune ki, çəvon jie vırə cənubə region iyən bə de İroni sərhədi dəçıkə tolışə rayononin, çumçıko jıgonə siyisət bəvon icozə bədoe ıştə pantırkə məğsədon bə jimon dəvonie, çunki Ğərəboğ, Tolış iyən bə de İroni sərhədi dəçıkə co rayonon bo ım plani yolə maneonin.