Ozərboycon Rispoblikədə Ğəfğazi iyən İronıjə xəlğon muxtəlif goropon ıştə şiddətinə norohəti iyən fikbəpeşoəti çı Boku hukomətı ın kambə xəlğonku Ğərəbağı canqədə istifodə karde məsələ, ilon kardəşone.

İsmail Şəbanov təbidədə bıə Tolışon gıləy goropon lider ilon kardəşe ki veynə tolışoni kıştəbıe ki de ikroh canqədə iştirak kardəışonbe, ın xəlğı cəmyəti kambıe səbəb bedə. De ın əholi vote əsos ın canqədə nez bə 50 fayiz kıştəbıəyon Tolışon, Taton iyən Ləzgiyon bən.

Lankondə TolishMedia agentı muxbir ın canqı sıftənə rujondə votəşbe ki Tolışə cıvonon bo canqşıe de zu iyən torsoniye ıştə xıyzononku co kardə bedən iyən gıləy faciəvi vəzyət duz bedə.

Ozərboycon Rispoblikədə Ğəfğazi iyən İronıjə xəlğon muxtəlif qoropon ki ın ulkədə siyasi iyən əmniyəti təsiraton jiədən iyən nako əçəvon zıvon iyən mahiyət umumi sahədə ğədəğən be ısət bəpe bə canq cəbhə navınə riyə bışon, əvən ki de Ğərəbağı nizamiyə ğıvvon ki band-o koondə vırə qətəşone, dim bə dim iyən kıştə bedən. əlbəttə ki Ozərboycondə jiyə xəlğon de zu bə canq vığandə bıə əsqəron veynə kəsonən vey cohilonin ki bə canqı təlimatonən ve kamə oşnoətişon heste.

Dəvardə sorədə qıləy Tolışi rəhbəron de Fəxrədin Əboszodə nomi çı Urusyə tərəfiku bə Ozərboycon Rispoblikə təhvildoə bəy ki ısət zindondəy. Iyən Tolışi sədo gəzetı nəşr kardəkəsonən şiddətinə təsiraton jiədə qəte hejo idoməış heste.

De Urusyədə Tolışonku mudafiə əkə kamitetı vote əsos, ın cangı i-minə şəş rujədə nez bə 40 kəs Tolışə cıvonon kıştə bən.
Ozərboycon Rispoblikədə jiyə Ğəfğazi iyən İronıjə xəlğon tərəfdaron iyən mudafiə əkon dəvardə rujondə de ın Tolışə əsqəron nomon iyən şəkilon soşal mediyaədə nəşr doe nışu doəşone ki Ğərəbağı canqədə veynə kıştəbıə əsqəron ın Ğəfğazi iyən İronıjə xəlğon cıvonon bən. ın vəzyətdə kali Tolışi mədəni əktivistonən ın sənədon pevılo karde goroş çı Boku əmniyət ğıvvon tərəfıku qətə beydən. İsmail Şəbanov ın məsələ qoroş ıştə norohəti ilon kardəşe ki Tolışon iyən co xəlğon bə canq vığande iyən əvoni ğıbon karde qasbo əçəvon əholi iddə kam karde pıroqramı qıləy baxşonku bıbo.

Ozərboycon Rispoblikə Tolışon 1993-nə sorədə ın ulkə cənob məntəğədə muxtarə Rispoblikə ilon kardışone ki əncəx 3 manq dəvom kardışe. əqərsə Tolışon məxsus nizamiyə ğıvvonən Ğərəbağı həmonə soron canqədə hozı bin əmmo Boku ləşğər de Tolışıstondə məsələ mudaxilə karde ın muxtarə rispoblikə ləğv ilon kardışe.

Həmonə vəzyətdə Tolışi lideronən ıştə nizami ğıvvon çı Ğərəbağı canq cəbhəku çı Tolışi muxtariyətıku mudafiə karde qoroş oqordınişone. Bə vaxtiku to bə ımruj canq cəbhədə iştirok karde bə Tolışonyo qıləy siyasi məsələ bəy, bı səbəb ki Tolışon əktivə iştirok çı Ğərəbağı 1991 to bə 1994-nə sori canqədə, sıvoy Tolışon zıvon iyən mədəni mustəğiləti məhv bıe heç nəticəış nıbe. Lozıme bıvotdəmon ki Tolışon iyən Taton Ozərboycon Rispoblikə cənobiə şəhəron bənə Lankon, Masalli, Ostoro, Sabirobod iyən Cəlilobodədə çı İronı hamsuətiədə jidən. ın xəlğon Ozərboyconı 20 fayiz cəmiyətı təşkil kardedən, Abşoron cəzirə iyən Bokuədə jiyə xəlğən veynə Tatonin.