Jıqo qılə vaxtədə binim dınyo həmə milləton bo ıştə bə həşin, çəmə millətən ənəndə kardedə çımi – çəy roədə mardedə yaən bı çımi – bə çəy fitfo şedə ıştəni ğır kardedə. Iştəni çe əməhon həməyni əğə zınə ozobiconıjə seqment konco bedəbu bıbu bə əmə bənəy ıştə nokə ( rəyyəti) diə kardedə. Çımi qıno veyni çəməkuye.Çumçıki əmə hejo ıştəni çəvon tono bə sofi bekarde pidəmone…

Isətən ım behəyon dılışone Rusiyada bo əmə əğəti bıkən. Ko bımədəy ki, əvon Rusiyada çanəndə tolışə vərzışkoron hestin əvonışon həmə bə ıştəşon tabe karde zınəşone. Qirəm ki bə əvon tabe bedənibu əyən şəv – ruj şantaj kardedən. Çəmə milləti əvomonən bə çəvon sıxani iyən çəvon şantaj kardə odəmi bə topi otəş qətedən. Çı merdə tolışə vərzışkorə fərzəndonədən qıləyən, Moskvadə jiə Emil Baxşiyev nomədə Tolışe!

Ko bımədəy ki, ozobiconıjə seqment Emili bəştə tabe karde nızney holədə, əy şantaj kardedə. Soyəş jıqoy ki, əmə tolışon bəpe ıştə ki bey nişo bıdəmon.Qirəm əmə i nıbəmon çımon vırə bımon nişo nıdəmon, bəvədə bızınən əvon de əmə çiç kardedənbu, sərost kardedən. Əmə, Rusiya Tolışon Milliyə Hımıcımi dastpoçəniyon de Emil Baxşiyevimon. Imruj bə Emil Baxşiyevi nom kardə sıxan, bəy kardə şantaj bə tolışi nom kardə sıxane, kardə şantaje!

Emil bilə əmə detımon, Tı çəmə dıliş!
Bıji Emil Baxşiyev!
Bıji Tolışston!

Tolışi Milliyə Hımıcımi Dastpoçəniyon- Rusiya!