Oktiyabırə manqı 16-minə rujədə Urusyə de qıləy nizami manevr dəvoniye, de 6 qılə qəmi, 7 qılə canqiyə aeroplan iyən 4.000 nizami əsqəron çı Kaspi dıyoədə əncom doydə.

Urusyə mıdofiə vəzarət ilon kardəşe ın manevr Abşıron niməcəzirə şimalədə, çı Kaspi dıyo mərkəziə baxşədə əncom bedə. Mıdofiə vəzarət əlovə kardəy ki ın nizami manevrı əsos vəzifə nizami ğıvvon vırə təyinkarde çı dıyoədə iğtısodi fəaliyəton, mıhofizə sahə icod kardey iyən ğeyri-ğanuni mısəlləh qoropon məhv kardeye.

Pentaqon ilon kardəşe ki ın 4 qılə hərbi qəmiədə bıə raketon həvo iyən dıyoədəbıə məğsədon zidd hıcumon əncom doydən, əmmo ın qoropədə cənob ləşqəri həvo ğıvvonən fəaliyətdə bəben.