3-minə baxş

In məğalə nakonə baxşədə votdımone ki: Baxtiyar Ersay gorop Liviyədə əməliyotondəən iştirak kardışone. Liviyədə Moəmmər Ğəzzafi rejimı məhv kardeku bə peşt general Ersay ın Ulkədə Tırkə nizamiyə ğıvvon bə Turkiyə ovoştoniye məsul be. 2019-minə sori Avgustə mangədə Haber jornali holding ilon kardışe ki Turkiyə nizami ali şura sərləşgər dərəcə bə general Baxtiyar Ersay doəşe.

Umumiyətdə çı sərləşgər Şeref Ongay barədə xəbon iyən məlumat ve kamin. Əv 1982-minə sorədə Ankara nizami Akademiyadə ıştə nizamiyə təhsilı oroxnişe iyən zəminiyə ğıvvon muxtəlif dastəondə ko kardışe. 2014-minə sorədə bə ləşgərı 9-minə baxşı liderı unvan bəgəmbe. Ozərboycon Respublikədə Turkiyə generalon koyon de 200 kəs mışoviron vəsilə əncom bedən. Əvon cang cəbhə navnə riyədə nin, əmmo bə təşkilati iyən pırogramon duz dəvarde məşğulin.

Turkiyə koyəzonon kıməgətiyo Gabala aerportədə gıləy esputnik estantsiyə təşkil bəy, gıləy ın estantsiyəonən çı Boku şəhərədə təşkil bən. Boku ləşgər ın 2 gılə mərkəzıku istifodə karde icozə çı co nizamiyə ğıvvonyo ləğv kardəşe. Əlbəttə bə Ozərboycon Respublikə həmmə nizamiyə ğıvvon əmr doəşone ki mışoviron həmmə əmron iyən piyəon əncom bıdən iyən bəvonku itoət bıkən.

Co generalə lider çı Turkiyə həvoyə nizamiyə ğıvvon təşkil iyən hifz karde mərkəzdə Heskel Kaxyay ki Ğərəbağı cangı əməliyotdə iştirok kardəşbe. Cangı vaxtədə ki İlham Əliyev de Turkiyə xarici vəzir iyən mudafiə vəzirı vindımon kardışe Heskel Kaxyaən ın vindımonı muzakirəondə hestbe. Əgərsə ın xəbə rəsmi ilon nıbe əmmo Razm.İnfo Telegramiyə kanaldə ın iclosı şəkilon əsos əvı(Heskel Kaxya) zıniyəşe.

Bə vaxtı vəziyətdə ın 2-minə vindımon be ki Heskel Kaxya iyən İlham Əliyev əncomışon doəbe. Sıvoy Heskel Kaxya nom həmonə iclosdəbıə kəson nomon de tərtibi unvan bin. Nagorno Ğərəbağı nəzorətı gorop de gıləy şəkilı əsos ın Turkiyə generalı zınişe. De VZGLYAD rujnomə nıvışte əsos general Heskel Kaxya İyonə mangıku to bə ısət Bokuədəy iyən ıştə nizami fəaliyəton ın ulkədə idomə doydə.

Idoməış heste … .