Cəlilabadi ( navkonəni Həmoşəru) icra sərdor Namiq Zeynalov de DXĞ (Dəvləti Xətoqordoniyə Ğolloğəvonəti) əhəşon dasti oqətə bey. Dıminə Xərəbaği canqi səıkıştə jəy vaxti jıqo çiyon bə miyon beşe əy votedə ki, dəvlət de jıqo koy dılışe ijən pul qırdə bıkə. Çumçıko ım rayonon icra yolon həmə Ramiz Mehdiyevi bə vırəbəvırəş kardəşe. Əve əvoni həmə obəqəten çe koyku bebakarden, çe əvon qırdə kardə pulon çe əvonku ebətırniyen, çəyoən ənəndə ğərolədə qılə co kəsonku pul bəsten çe əvon vırədə bənoyn. Demiyən iqlə neçi qin bakarden çəy vırədə co qılə ələvuşə neçi bənoyn. Həmən de jıqo roy ım hukumət dılışe nişo bıdə ki, vindon az ko kardedəm.

Çe Ramiz Mehdiyevi kadron koyku bekarde həmən çe əy ratə ləs kardeye. İyo ım əliyevi tobyə çe xəlqi hayədə ney ıştə hayədə mandedə. Sovı bımiyən İlham Əliyevi bə tolışonış nişo doy pidəşe ki, mılxəs az ko vindedəm bo şımə, pulxoron dastqir kardedəm, dəvləti sunon şuş kardedəm. Imon jəqonəy həmə imitasiyən. Bə tolışon dəvlətmədorəti status qərəke, əvən hələ ni. Tolışon ıştə koədə bəpe zueqət bımandon. Qirəm tolışi ijənən statusış nıbo, demiyən çe əy kə qıniye. Im çe tolışi orəxnə səkərot bəbe. Marde heste qarde ni. Bəmə iqlə qırd penə fayədə bıə status koməq karde bəzıney. Əvən ki, çoknəy vindedəmon, hələ ni, hiç çe əy rımuzən çidəni. Tolış bəpe bəsə poysə bəyşto.Co ro ni. De Zeynalovob ya Qaraşavun bekarde ko tazisə əvoni.

Tolish Media