Tolışon ısətnəni pesoxtə Ozobiconi dəvləti reçədə bənəy qılə nokə jimon karde holədən. Nə çe əvon zıvon, nə çe əvon nom hiç qılə vırədə oko doə bedəni. Hələ sovı ımiyən Ozobiconi hukuməti tono terminaloqiya mərənqo (xonə) tolışon nomış de co dısa qılə nomon bə odəmi nomi exrocəti vardə nomon reçəş dəğandəşe.

Demiyən jıqo, qirəm vir səğandoş bəvindeş sərostədə əyo curi nomonn hestin əvoni bə odəmi nomi noy əbıni.Bəvədə jıqo qılə pars bə miyon beşedə: Boçi tolışon etnosi nom Tolış bı nomon reçə dəğandə bıə? Terminaloqiya xonə jıqo vonə bardə ki, mılxəs etnosi nom bə odəmi noy əbıni. Bəvədə əmə sənibəton parsedəmon: Boçi Turkan, Əfqan, Azər, Tatar nomədə nomon ğədəğə jintono mandənin?

Oxo əvonən etnoson nomonin. Odəm nuni bo marde hardəni ki. Oxo əmə ve çok zınedəmon, ımon əmənışon dınyo dimisəşon pedəyvoniye pidəşone. Bədbəxtətiən bımədəy ki, bı jıqo koədə bəvon hejo çe əmə kali beməxə tolışonən həşedən. Xıdo bə jəqo tolışonən pand bıdo. Isətən Ozobiconədə de tolışon dasti bə Rusiya iyən İroni vəynə zumandə təbliğaton bardedən. Jıqo bışu ımon əməni çe Rusiya iyən İroni çəşo eğandeşon pidəşone.

Bəvədə qirəm çe əvon ım mırdolə eçın sə bıqəto, əmə Əli aşikuən bəbemon, Vəli aşikuən. Xosə tolışon şıməni xəbədo kardedəmon, ve – ve hodi bıkənən. Deşmen bə şımə hul nıvo. Xıdom əv Xıdoy binim em eçıni səş qətışe. Bızınən əmə qırd mardimon.

Xıdo əmonətədə bımandənən!

Tolish Media