Dı sor çımi bə nav Tolışstoni sərbılındə merd, şair Əli Nasiri əmənış haştışe şey bə dınyo. Şair Əli Nasir 2019 – nə sori fevralə manqi 1 – də ıştə dınyoş ovaxtışe. Şairi ruşinə qur çe əy moə zəmin Lankonədə kandə bey. Əli Nasir həm tolışi, həm tırki həmən rusiədə ənıvışti.

Şairi həm ləzqi, həmən farsi zıvonədə şeeronış hestbeşe.Əli Nasir ıştənədə jəqo qılə duha bey ki, hiç qılə universitet, hiç qılə inistitut bəy rəse nəzıni. Əv ıştən qılə yolə məktəb, qılə kələntərə akademiya bey. De həyfi çe əmə həmə ustod Əli Nasir əmənış rə haştışe, ıştə dınyoş ovaxtışe.

Xıdo rozi Əli Nasiri peş ıştə qılə yolə məktəbış haştışe, həmə tolışon çəy haştə məktəbiku bəhər, foydə peqətedən. Əmənən bə yolə şair, Tolışi ruf Əli Nasiri bıyomarziyo votedəmon.

Xıdoş rəhmət bıko!

Tolish Media