Lankonı nom həmmişə tarıxi muxtəlif əsrondə de Tolışi gıləy obodion unvani ğeyd be. Lankonı şəhəri zımrıxə zəminı sədə bino bə, ın şəhərədə insoni jimon kardə tarıxi əsəron iyən kali nışunəon mandən.

İslamıku bə na mənbəon iyən sənədondə “Tolış”ı nom ğeyd bəni. Kali tədğiğəkon Tolışi de Kadus xəlği, de ğədimə Yunanıstan iyən Romı mənbəon iyən sənədon əsos, i(vahid) zınedən. Hicri-ğəməri sıftənə əsron mənbəondə ın xəlğiku de Tilsanı nomi yod be.

Əmmo şe-şe de tarıxi dəvarde Tolışi sıxan İronı ceografiyə iyən tarıxi mənbəondə əlovə be. Imrujnə Lankon şəhərı bino, bə Miladi 16-minə əsr oqardedə. In şəhər ve soron iyən muxtəlif əsrondə de Tolış Xanatı Hokumətı mərkəzı unvan be.

De Nader Şah Əfşarı marde Tolış Xanatı Hokumət çı İronı tarıxi bə vaxtədə, çı İronı zəminədə iyən Ğəcəriyə səlsəlion jiədə be. 18-minə əsrı sıftədə Uruson çand sor çı İron iyən Urusiyə cangon vaxtədə ın məntəğədə hokumət kardəbin.

Peşo de Rəşt ğərordadi əsos ojnən bə İron angıl be. İron iyən Urusiyə cangon vaxtədə ki qeneral Pyotr Kutliarefski ın cangondə Urusiyə cənubi ləşgəri lider be; əv Lankonı lideron mərkəzon, ğələon iyən Lankonı Xan iyən əçəy nizamiyə ğıvvon gətışe.

Peşo de Golestan ğərordadı əsos Şimaliyə Tolış bə Urusiyə vəsıl be ki ve Tolışonən bəvaxtədə itiroz kardışone. Peşo de Turkəmənçay ğərordadı əsos ki İron iyən Urusiyə oxnə cangon bə peşt imza bə; Ğəcərı Hokumət məcbur mande ki de cang nıkarde(bedave) ın şəhərı bə Urusiyə bıdə, Jığo be ki Lankon ıştə inə vətən(yəne İron)ı ku co be.

Əmmo Miladi 20-minə əsrədən Lankon 2 kərə de mustəğil ilon kardəbıə Tolışıstonı sərşəhəri unvan ilon be.