Quşon korin sədom bəvon rəsdə ni… .

Əziz əməson(Handəkəson)! Nako çı Ğərəbağı canqədə Tolışə xəlği iştirok karde iyən çəy ve cıvonon kıştəbıe barədə ve sıxanonımon vote, ki əlbəttə ve umiyımon heste çəmə xəlği dılədə bınışto.

De Ğərəbağ iyən Boku arədə tojə canqı təşkilbıe İlham Əliev Bokuədə nıştə pırezident ve cəhd kardışe ki ıştə qıləy xəritəon çı Tolışə xəlği poymol karde roədə bə vırə bırosno. Jığo be ki ın besoybə xəlği (Tolışə xəlği) rəğ-rişə bekardeyo əvoni de co Ozərboycondə jiyə xəlğon həmro bə Ğərəbağı canq vığandışe.

Əliev ın hərəkətdə Tolışə xəlği məhv kardeyo 2 qılə nəticəış sə ki:

1) kali besəvodə odəmon iyən Tolışi həvatdə kəson fikədə de Erməni xəlği dışmenəti karde məsələ ço ruşin kardışe.

2) Tolışə xəlği tojə perəsə cıvononi ki əlbəttə ıştə inə vətən (Tolışıstonı) ozodəti roədə əktivbıe zındəbin qıləy pesoxtə canqədə kışdışe.

Jəğo ki Tolışi milliyə hərəkətı rəğ-rişə ve rə hışk bıbo iyən arəku bışo. Çımı yodədə mandəy hələ ki ın canqi vaxtədə kali Tolışonən ki nako ıştəni de Tolışıstoni patriyoton unvani zınedəbin, ıştə sinə rost kardəbin çı Əlievı hiləqərətionku mudafiə karde qoroş.

In dastə Tolışon ki əlbəttə veən nıbin, deştə ranqi dəqiş karde şin bə Boku iyən Əlievı odəməhə siyasəti qəvədə mandin. Bə vaxtədə az çand kərə nıvıştəmbe iyən pars doəmbbe ki, çəmə xəlği ayid Ğərəbağı canqədə çiç bəbe. Iyo rəhmətik Əli Nasirı şeer bə çımı yod omedə ki votdəbe: Quşon korin sədom bəvon rəsdə ni… .

İsa Tolış