Ozobiconədə Tolışon ımrujnə sıpə rujədə jiye bo hiç kəsi nunəkıleyə bıə rımuz ni. Odəmon vəşiku çoştoni əyştedən. Dıminə Xərəboği canqədə ıştənışon atı – put kardışone. Mardəkəson mardin, mandəkəsonən ruj siyopəlu tıkədəy.Bı barədə həni iqlə do – çuyon kam mandən qəv oj bıkən, dod bıjənon.

Ozobiconi ım deşmedə, pesoxtə hukumət tolışon jıqo bevəcə ruji vindənin ki, vindənin. Jıqo bışu Likədə, Vərqədizədə, Cəlilabadədə, Ostoroədə, Lankonədə, Masalədə, Biləsıvoədə iqlə fərə, sərisofə cıvon əmandıni.

Odəmon har çiy noydən beşedən şedən. Xıdo ıştən bə Tolışon koməq bıbo. Əmə voteyədəy ki, ıştəni bə bekorə çımon roysə məkıştənən, əməni məsedənıbin.

Isət çoknəye, bəsə dəşiyon!

Əli Husəyni