TolishMedia informasiyə agentəti muxbir xəbə doedə ki, de APA agentəti mısohibədə çı Tırkiə milliə mıdofiə vəzorəti rəsmiə nımoyəndə Pınar Karani votəşe ki, hərbiə minonku təmiz karde iyən bə sərbozon təhsil doe sahəonədə Tırkiə ğıvvon dəvom bəkarden Ozobiconi koməg karde.

Əy həmçinin ğeyd kardışe ki, mıştərəkə təlimə tədbiron “Boəti brigada” proyekti çarçivədə dəvom kardedən.

Oktyabrə mangi 5-8-nə rujonədə Naxçıvonədə “Duruminə boəti 2021” nomo hərbiə təlimon dəvoniə bəben. Im təlimon məğsəd çı Tırkiə iyən Ozobiconi hərbiə ğıvvon arədə dustəti iyən əməkdoşəti ovc kardeye.

De ımi Boku dovləti ıştə marzon ətrofədə oktyabrə mangi 1-ku bino bıə İroni hərbiə təlimon reaksiyə doedə.