Əzizə bıvon iyən hovon!
Həmmə osmoniyə kitobondə ki xıdo bə xəlğıyo vığandəşe(nazil kardəşe) əv bı səbəb ki muxtəlif toyfon iyən milləton iyəndı bıznon iyən çokə jimonışon bıbo ofəyəşe, iyən bəvon vətən iyən sərvət baxşəşe. Bə vaxtədən, əv(xıdo) əvoni çı ın vətəni nomədə xəzinəonku mıhofizə karde gorə dəvət kardışe.

Dəvardə əsrondə çəmə tale, əmə tolışon məcburış karde ki muxtəlif ulkəondə jimon bıkəmon iyən ve vaxtonən ıştə hığuğ iyən mədəni rəsmo adəton təblığiku məhrum mandəmon.

Dəvardə sorondə çəmə sərzəminədə, ısətnə Ozərboycon respublikə hukumət de jimonı mənbəon məhvkarde siyosəti, ixtisodi cəhətdə Tolışon nəslı ginkarde siyosəti de çok-çoki bə vırə rosnişe. Tolışon yolə mıhocirət əçəvon inə vətəni ku, navkonə soronku bino be iyən ısətən idomə hestışe.

De ğəyri-rəsmiyə mənbəon vote əsos, ısət Urusiyətədə 400 həzo Tolış jiyedən. In bıholədəy ki əmə de gıləy milləti unvani ha ruj məhv bedəmon.

Tolışi hurmətinə xəlğ əncəx de “gırdəbıe iyən yodo benıkarde ki əmə gıləy kanə-tarıxiyə xəlğonkuimon” bəznemon ki icozə nıdəmon çəmə rəsmo adəton məhv bıbon, ıştə tarıxi omə nəslonyo nığo bıdəmon.

Oktiyabrə mangi 15-ku to bə Noyabrə mangi 14 minə ruj
Urusiyə Federasiyədə əholi bə siyohi gətedən.

Əzizə boon iyən əzizə hovon! ıştə milliyə mahiyətıku mıhofizə bıkən. Iştə nomi de fəxri “Tolış” bıvotənən.

Boris Talışinski, Tolış-Mığon Muxtarə Respublikə pırezident
Rəhim Mirzayev, Tolış-Mığon Muxtarə Respublikə sədr vəzir