TolishMedia informasiyə agentəti muxbir Boku şəhəriku xəbə doedə ki, məmləkətədə şiəon zidd repressiyəon hozı bedən.

İroni iyən Ozobiconi arədə bıə gıvonəti yol be foni səpe Boku rejimi hakimiyət bə ğəror omə xariciə nısığon de dılətonə təzyığon iyən insoni huğuğon darışte niyo karde. Im kərə Boku diktatorə rejimi çı məmləkəti şiə əholiş mizon gətə.

Sırr ni ki, oxonə vaxtonədə Tırkiyə Ozobiconədə vey yolə rolış heste iyən sınniə dovlət beədə həlbəttə bə məmləkətədə bıə anti-şiə holon ro doedə. Sıvoy çımi bəpe ğeyd bıkəmon ki, İroni İslamə Respublikə şiə məmləkəte, bı çımi gorə şiəon zidd təzyığon İroni səpe co gılə vositəynə zərbi səbəbe.

Sıvoy çımi tırk-ozobiconə tandem de İsraili koməgi iyən anti-ironə fəoliyəti yol bedə. Məlum bedə ki, Boku diktatorə rejim nəinki çı məmləkəti bumiə milləton assimilyasiyə kardedə iyən bəvon korığ doedə, bəlkəm şiə əholiy bə zanboxbəsə pegordıniedə.