Ozobiconədə 276 ( dısa hafto şəş) qılə ovnə bə dəvlət varde rusum boho bedə. Tarifi şura jıqo qıləy sərəncomış doəşe. Imən əve ki, Ozobiconədə əjiyon rujoqor şe – şe bə bevəci şedə.

Odəmon rujiqori bə jıqo siyopəlu tık dənoə İlham Əliyevi hukumət votedə: Ozobicon çımı şəxsi mılke, çiçım bıpiyome əyən bəkardem. Əve Ozobiconədə jiyə həm tolışon, həm taton, həm ləzqiyon iyən avaron harujnə jimon şe – şe qon bedə. Jıqo bışu kırt qılə vaxtədə bı pesoxtə keşvərədə kaxti – vəşyənəti ebəqıniye.

Jəqonəyən əjiyon harujnəni jimon vəşyənəti holədə bey, tikəyən bə bevəcə ruj mande. Isət iqlə ro heste ki, tolışon, taton iyən ləzqiyon bəpe dastbədast bıdən bo ıştə qılə ruj bıbəmon. Demiyən jıqo Ozobiconi vindəsədon de ıştə bardə təbliğaton odəmon beyni şırtedən. Xıdo rozi kom millət ıştə sərostə roy pəydo bıko, bəvədə bəyo qılə sərisofə ro oj bəbe.

Xıdo bə Tolışon ovand bıdo!

Əki Huseyni.