Ozərboycon Respublikə xariciyə vəzorət Dekabrə mangi 4-minə rujədə ım vindımonı ləğv bıe bəyonnomədə ilon kardışe ki de Ermənistonı nimoyəndə oxonə vindımonı ləğvbıe karde səbəb Ermənistonı nimoyəndəon ğəyrı-ğanuniyə səfə bə Bandıkoə Ğərəbağ be.

Ozərboycon Respublikə xarici vəzorət votdışe :” Əvropə həmkoətion iyən əmniyətı təşkilotı vəzorətı şura iclos Dekabrə mangi 2 to bə 3 rujondə Stokholmədə dəvardedə iyən Ozərboycon Respublikə nimoyəndəən əyo hozıe.

MİNSK goropı iştirokinə rəhbəron iyən Əvropə həmkoətion iyən əmniyətı təşkilot təklif kardışe ki Ozərboycon iyən Ermənistonı xariciyə vəziron arədə gıləy iclos təşkil bıbo əmmo məlum be ki Ermənistonı parlamentı nimoyəndon gıləy gorop bə Bandıkoə Ğərəbağ ğəyrı-ğanuniyə səfə kardəşone iyən ın hərəkətı nəticədə Boku de xariciyə vəziron vindımon karde ğəyrı-zəruri zınedə.