Orəxnə vaxtonədə Azərbaycani hukumət Tolışon koədə bə conı – həx damandə.Jıqo sutim – sutim dəşən ki, həni zınedənin çoknəy bıkən Tolışon sə dənən bə dast. Əve həm Boku multikulturali mərənqoədə həmən HƏP- i (haqq ədadət partiya) ofisədə de tolışə baləliyon puli çapo beşə qılə bemanə kitobi edaşte dastko bıə.

Çə kitobi nomədə hejo qılə xəto heste, mande ko iqlə de ımi bə sə qınidəni. Im koy kardəkəson de pesoxtə Azərbaycan nomədə keşvəri deşmenə hukuməti dəsturon kardə bedən. Əve həm Boku multukulturali mərənqo həmən Əli İnsanovi HƏP nomədə partiya xonədə dəvoniyə bıə Tolışə zıvonədə edaştə bıə kitobi dastkon əy nişo doydən ki, əvon dılışone tolışon səy dənən bə dast.

Tolışə səy de qılə puçə vizi bə dast dənoə Azərbaycani hukuməti dastədə bə əbjor peqardə odəmon ımruj bə tolışi çanəndə ziyon jəy hiç ıştə enisə vardedənin. Bəçəyro bo əvon tolışə zıvon ya tolışə fərhənq ne, çe əvon ıştən mırdolə luz iyən mıləvəsə tan bə nave. Ve iyoən bo mərdumi ne bo ıştə rujiqori bə hımıcımin.

Bə tolışə mərdumi jıqo deşmenə ratə de tolışi dasti kardə bedə. Imən ve yolə darde. Xıdo bə Tolışə mərdumi koməq bıko.

Xanəli Agayev