Aleksandr Şalenberg -Avstriyə xariciyə vəzir- Erməniston iyən Turkiyə siyasətmədaron omə vindımonıku dı ulkəon diplomatikə əloğon rost karde barədə xəbə doşe.

Əv votdışe ki ın 2 gılə ulkəon siyasətmədaron Fevralə mangi 24-minə rujədə Vyanədə vindımon kardedən.

De ım xəbə əsos, Avstriyə xarici vəzir bə Turkiyə səfir “Sərdar Kiliç” iyən Ermənistonı parlamentı mıovin ”Ruben Rubinyan” ım iclosədə hozı bıe gorə dəvət kardəşe.

Turkiyə iyən Ermənistonı ım dı siyasətmədar dəvardə mangədə Moskovədə de iyəndı vindımon kardedən.

Dı tərəfon Moskovə iclosı vaxtədə Osmaniyə Turkiyədə Ermənion kışte pırablemı ziddiyətı həl kardeyo, bəhs kardışone.

Im dı ulkəon arədə 30 sor -Səvet Hokumətıku Ermənistonı mıstəğiləti vaxtiku- diplomatikə əloğon nıbin.