Azərbaycani səobırniyə faşistə ləşkəri çoknəy de İsraili iyən de Tırkiyə dastqətəti Xərəboği i poə zəminışon qətım karde, nubə oməy rəsəy bə Soyuniki(Zənqəzuri). Jıqo bışu de Tırkiyə dasti Azərbaycan nomədə keşvəri fatihə handə bəbe. Bəçəyro İron hiç kəynə rozi bey əzını ki, Tırkiyə de Yoləbritaniya iyən İsraili doə dəsturi İroni roy pebırniyo.

Məvuji seminə dınyo canqi otaspe çəmə çəşi vədə bino bedə. Binim kəynə əmə vindedəmon ki, de ımi yandəyan Azərbaycan nomədə bı pesoxtə keşvərədə narkotika çe hukuməti fayədə oko doy ray doə bey. Imən əy nişo doydə ki, bə anqlasakson çəşi vədə nə Boku respublikada jiyə əjiyon çidən nəən ım respublika ıştən. Çoknəy binim əmə vindedəmon Ukrayniədə çe yəhudiyon eçın bə puçi beşey əvon Bokuşon mizonq qətəşone.

Boku Respublika jığoşəy dıminə İsraili keşvər bey bəzıne.Imən çəşvində koy. Bı barədə İroni Bokuədə bardə siyasət hiç qılə fayədə nıbe ıştənış nişoş doy. Odəmon binim İroni Boku respublikada daşti siyasəti bardedəbin İroni noconoşon bə ıştə pulxorətişon havatışone.

Əve zənqəzuri roy pebırniyədə hımıcım kardə İsrail, Yoləbritaniya iyən Tırkiyə məvuji bə ıştə nocə rəsedən. Im ko kəynə bə İroni Azərbaycanədə bıə siyasi nımoyondonon bərəse, əv ve çon – çonə koye. De çəmə vindemoni jıqo çidə çe Zənqəzuri roy səpe xun enımo çə roy tale tazisə əvoni. Bə çəşimon!

Əli Hüseyni