Ozərboycon respublikə pırezident İlham Əliyev ilon kardışe ki Boku iyən Yerevan Zəngzor koridori bino karde, əcumlədə osunə ro duz dəvarde barədə bə roziyəti omən. De İnter Az agentəti xəbon əsos Ozərboycon respublikə pırezident İlham Əliyev gıləy bəyanatədə ilon kardəşe ki əv de Rəcəb Təyyeb Ərdoğani votdımon kardeədə əvi ıştə, Nikol Paşinyan iyən Şarl Mişeli 3-tərəfinə votdımoni nəticədə ğəror doəşe.

In bəyanatədə ğeyd be ki: Ozərboycon respublikə pırezident Boku iyən Ermənistonı arədə sulh barədə bə roziyəti ome, Ozərboyconi tərəfiku de beynəlxalğə həxon əsos 5 gılə ğayidəon unvan karde, Erməniston iyən Boku arədə adiyə əloğon təşkil karde iyən ın 2 gılə ulkə arədə sərhəddon mıəyyən karde barədə sıxan kardəşone. İlham Əliyev ın 3-tərəfinə vindımoni nəticəon ve çok zınyəşe.

De ın bəyanati əsos, Ozərboycon respublikə pırezident ijən votəşe ki Erməniston iyən Boku arədə davlətiyə sərhəddon mıəyyən karde davlətiyə komissiyə təşkil doe dəvardə 2-şanbə rujədə ilon be. Rəcəb Təyyeb Ərdoğanən ıştə tərəfiku çı İlham Əliyevi ın raporti gorə təşəkkur kardışe iyən Əliyev, Nikol Paşinyan iyən Şarl Mişeli 3-tərəfinə votdımoni nəticə çok ğıymət doşe.

Əliyev iyən Ərdoğan ijən Ğəfğaz məntəğədə sulh təşkil karde məsələ ve mıhum ilon kardışone iyən ğəror be ki omə rujondə ın barədəən sıxan bıkən.