Ermənistonı xarici vəzirı mətbuatı ofis raport doşe ki Mayə mangi 24-minə rujədə Mher Grigoryan iyən Şahin Mostəfayov -Ozərboycon iyən Ermənistonı 1-minə vəziron mıovinon, iminə kərə dı ulkəon sərhəddon əmniyotı zumand karde iyən sərhəddon təyin karde barədə iştirokinə komissiyə çərçibədə deiyəndı vindımon iyən votdımon kardışone.

De ım xəbə əsos, ım vindımon gıləy Ozərboycon iyən Ermənistonı sərhəddiyə məntəğədə vağe be. Im vindımonı vaxtədə, har 2 tərəf sərhəddon əmniyət iyən sərhəddon təyinkarde komissiyə çərçibədə
ıştə hozıəti iştirokinə həmkoəti barədə ilon kardışone. Boku iyən Yerevanı siyasətmədaron ijən ım komissiyə iştirokinə fəaliyəton metodi barədə bəhs kardışone.

Lozıme bıvotdəmon ki 2-minə iclos Moskovədə iyən 3-minə vindımon Brusselədə təşkil bəne.

Çand ruj bə nav məlum be ki İlham Əliyev -Ozərboycon Respublikə pırezident- iyən Nikol Paşinyan -Ermənistonı sədr vəzir Brusselədə Əvrupə Şura sədr Şarl Mişelı huzurədə deiyəndı vindımon kardışone.

Erməniston iyən Ozərboyconı iştirokinə komissiyə ko bino kardeyo ijən 2 hamsuyə ulkəon arədə sərhəddon təyin karde barədə bə roziyəti omin. Im 3-tərəfinə vindımonədə Boku iyən Yerəvanı hozıəti 2-tərəfinə mınosibəton təşkil karde, insoniyə məsələon ijən Ğərəbağı pırablemı həl karde barədə bəhs be.

Ermənistonı xariciyə vəzorət ijən ilon kardışe ki Nikol Paşinyan dəvardə rujədə de Amerika xarici vəzir Antoni Blinkenı telefoniyə votdımonı vaxtədə, Brussellədə de İlham Əliyevı ıştə vindımoni mısbət ğıymət doşe.

Im telefoniyə votdımonı vaxtədə ki Amerika vəsilə təşkil be tərəfon Bandıkoə Ğərəbağı pırablemı həl karde, məntəğədə əloğə roon bino be ijən Cənubiyə Ğəfğazı əmniyətı məsələ barədə votdımon kardışone.