Jıqo məzınən bə Lankon nuə icra yol omə. Ne bə Lankon sovı Taleh Qaraşovi qıləyən nuə xan omə. Çı nuə xani nom Elxan Nəcəfove. Nəcəfof Elxan Naxçıvanıjən bıbu, təhsili vəzirəti əvış bə Tolışstani haft qılə rayoni reqional təhsili idarə yolış vığandə.

Jəqonəy bəvoteyon, iyo çiç heste ki, naxçıvanıjon çı vironə pesoxtə keşvər Boku respublika yolin, çiçışon pidə, komcoşon pidə ko kardedən. Imən roste, mande ko qırd co çiyədəy. Im Elxan xan çoknəy bə Lankon poş noə, rəyrə qılə sərəncomış doəşe ki, mılxəs məktəbonədə koəkon bəpe maştə saat həştədə oməy bə ko detobə şamqo şomi vaxto koədə bıbun.

Tovostoni zılzılə manqədə odəmon bo ıştə maya maşi kardedən, bo ıştə mol – mələ zımhori pirpazi aləf qətedən, ım beməxə omə votedə ne, şımə bəpe məktəbonədə dastqir bıbon. Qirəm jıqo bışu məktəbonədə ko kardə odəmon bəpe sovı ıştə çoştə de ıştə lefəb bobən hejo əyoən bıhıton.

Oxo nuə xan Elxan Nəcəfov Naxçıvani votedə: məktəbədə koəkon bəpe ıştə ruji həşipeməku detobə həşinıştə əyo bıbun. Tolışon qədə – qədə bəsə dəşeşon pidəməvuji əvon sovı ıştə bə hiç kəsi qərək nin. Çəmə çamndi – çand sori votəyon hələısət – ısət bə tolışon rəsedə, əvon dərəsedən ki, əvoni nəsım kardedən. Ha diə bıkənən, jıqo – jıqo koon!

Səlim Quliyev