İyuli 20-də i qrup dımınə Ğaraboğ Muharibə iştirak bıkəyon Vəzarət Kabineti vədə etiraz aksiyaşon dəvonə. Əvon veteran statusi inən medali doe tələbon kardə.

De aksiya iştirak bıkəyon sıxani, əvon bə Mudafiə Vəzarəti vey ovardonən, bəvon hərbi əməliyyatonədə iştirak kardəyon ni, məsələ Vəzarət Kabineti səlahiyyətətə be cəvobon doə bə.
Aksiya iştirak bıkəyon bəvon medal inən fəxri fərmonon təltif bə, ammo veteran statusi se nıznə xonəxon beşon ğeyd kardə .

Dəçe çəvon sıxani, bə navkonə aksiyon rayononku umjən qınə muharibə iştirak bıkəyon bə dumo oqardə bə peş polison tərəfo təzyiğon bə, inzibati həbson bən.