Milli Məclisi navkonə deputatı, 1 numrəninə Boku İstintaq Təcridxonədə oğətə bə Nazim Bəydəmirli bə məhkəmə ğərari diə məkə, hələ de ıştə xeyzoni uzvon vindemon karde zındə ni.

Əçe jimoni həmro Fəridə Bəydəmirli, məhkəmə ğərar hələ bəvon təğdim kardə nıbe inən Penitensiar Xidməti elektron sistemədə noə nıbe bəyonış kardə.
“Nazim oğətə şəraitini rozi ni. Kamerada dey ivrədə 13-14 kəs hıste”, – ey votəşe.

Penitensiar Xidmətiku Nazim Beydəmirli oğətə şərait inən de xeyzoni vındemon karde nızne səbəbon barədə hiç qılı məlumat doə bedə ni. Avqusti 23-də Nazim Bəydəmirli həsuə, Boku Devlət Universiteti kafedra mudir, professor Rufət Rustəmov bə İlham Əliyevi de ojə məktubi ovardə.
Məktubədə Nazim Bəydəmirli ıştə vətəndaş mevğe ifadə karde qorə təğib be ğeyd kardə bedə.
Professor nıvıştə: “Şımə ıştən çandi çand kərə bə vətəndaşon de vacib məsəlon band fikiron bəyon karde vanqyon kardə”.

Isətnə holədə sehbət Gədəbəy rayoni Seyudlu di ğızıl mədənədə ekoloji darıştəyonku şedə.
Rufət Ristəmov İlham Əliyeviku Bəydəmirli ko bə ıştə nəzarət peğəte xahiş kardə.