İyuli 31-də “Bə Azərbaycan siyasi məhbuson ozodəti” İttifoğ 204 xonəxo bə tojə siyahiş edaştə.

İnson həxon strukturi navınə siyahi apreli 20-də doə bəbe, bə həmonə siyahiədə 182 kəs nom qətə bedə be.

12 kəs çə siyahiku beşə, kali kəson bə mayə manqi əfv fərmon eqıniən və ya cəzo mıddət orəxə bə peş ozod kardə bən.
Eyni zamonədə bə siyahi 34 tojə nom ziyod kardə bən.

Çəvon dılədə muxalif siyasətmədar inən iqtisaddor, Azərbaycan Demokratiya inən Rifah Partiyasının sərdor Qubad İbadoğlu, navkonə deputat Nazim Bəydəmirli, AXCP uzv Elxan Əliyevən hıste.

Siyahiədə aprel-iyul manqonədə de narkotik ittihomi dəstqir bə dindor siyasi məhbuson umumi hisob 147 kəse.

204 siyasi məhbus bə 7 qrupa poə kardə bə.
İminə “jurnalist inə bloqer” qrupədə de Aslan Qurbanovi ico 5 kəsi nom şedə.

“Müxalif partiya inən hərəkaton uzvon” qrupədə 7,
“Almaniyaku deportasiya kardə bə siyasi mühaciron” qrupədə 5 , dindoron qrupədə 147, Tərtər ko 7, Gəncə ko 22 kəsi nom siyahiədə qətə bedə.

Həniən 11 siyasi məhbus tosə jimoni oxo cəzo sə xonəxonin.