Sentyabri 26-də Azərbaycan Demokratiya inən Rifah Partiya uzvon Dılətonə Koon Vəzarəti Sər Mutəşəkkil Cinayətkorəti Mubarizə İdarə vədə etiraz aksiyaşon dəvone piə.

Əvon partiya lider Qubad İbadoğlu həbsədə oğəte inən səhhət bevəc bıboən bə klinika ovoştonə nıbe qorə etirazşon kardə.

Polison bə etiraz bıkəyon idarə bina vədə aksiya dəvone icazəşon doə ni, əvon Nərimanov Rayon Məhkəmə bina nezi ğərolşon qətə.
Siyasətmədari tərəfdoron “Bə Qubad İbadoğlu ozodəti!” şuarşon bə zıvon vardə.

Aksiyadə, Avropa İnson Huğuğon Məhkəmə İbadoğlu bə xususi klinika ovoştone barədə ğərar bıdoən, əv əyo ovoştonə nıbe votə bə.

“66 ruje ki, Qubad İbadoğlu de saxta ittihomon həbs kardə bə, tosə ısət hiç qılı istintağ hərəkət bə ni. Imən əçe həbsi siyasi xarakterin be sobut kardə “, – partiya İdarə Heyəti uzv Ədalət Yusubi ğeydış kardə.
Ey partiya ofisi bastə, sənədon peğətə be qorə təşkilati fəaliyyət imkanon məhdud karde beş votə.