HƏMAS-i hucumi nəticədə xəsarət sə israilivojon hisob ziyod bə.

“The Times of Israel” qəzeti bə Səhiyyə Vəzarəti məlumaton istinod doə xəbədə, Fələstin-İsrail munağişədə zərər kəşə İsrail şəhrvandon hisob bə 2 315 kəsi rəse votə bedə.

Oktyabri 7-də şanqovoni “Haaretz” qəzetin bə İsrail Səhiyyə Vəzarəti məlumaton istinod 2 243 kəsi qin be bəyonış kardə. De oxonə pevolo kardə məlumaton, mardə İsrail sakinon hisob 700 kəsi dəvardə. Hakimiyyət mardə xonəxon hisob ziyod be davom be iddio kardə.

Oktyabri 7-də HƏMAS-i bə İsrailin xeyli raketış ğandə. Çimi fonəda İsraili əmniyyətə vəzir İtamar Ben-Qvir oktyabri 7-də İsraildə fevğəladə vəziyyətış elan kardə.

İsraili Sər Vəzir Binyamin Netanyahu İsraili muharibə vəziyyətədə be bəyonış kardə.