Oktyabri 13-də Avropa Şura Parlament Assambleya (AŞPA) turkiyəvojə huquq mudafiəvon, “vicdan məhbus” hesob kardə bə “Osman Kavala dərhol ozod karde vanq” nomədə ğərarış ğəbul jardə.

65 sininə Kavala, bəçe vəynə hiç qılı ittihom isbat nıboən, 6 manqe ki, dəstqirətiədəy. Əv, Gezi Park etirazon qorə bəçe vəynə bə nav doə ittihomon rədd kardedə.

In etirazon 2013-minə sori İstanbuldə Gezi parki oçone, vırədə ticarət mərkəzi ejəne etiraz bino bəbe. Peşi etirazon əlidə vıronşonən etənəbe.
Tosə jimon oxo məhkum kardə bə Osman Kavala, məhkəmə 7 kəsi har qılə bə 18 sor mıddət ozodətiku məhrum kardə hukmış doə.

AŞPA ğəbul kardə sənədədə Avropa Şura keşvəron inən muşahidəkə devlətonədə (əz cumlə Amerika ) bə Kavala inən əlidə siyasi məhbuson ıştəbbəsə, beğanun məhkum kardeədə rol bə polison, hakimon, prokurorun inən əlidə rəsmion sanksiyon noe votə bedə.

AŞPA Osman Kavala əqəm tosə 2024-minə sori yanvari 1 ozod kardə nıbu, bə turkiyə deputaton AŞPA ome bastə be bəzne bəyon kardən.