Ayasofya ziyarət bo xaricion de puli bəbe. 1935-minə soriku bənə muzey fəaliyyət nuşu doə, 2019-minə sorədə isə bə məçit peqordonə Ayasofya bo xaricion de puli bəbe. Bın barədə Turkiyə mədəniyyət inən turizm Vəzir Mehmet Nuri Ersoy mətbuat konfransədəş bəyon kardə. “Ayasofyadə ziyarəti İdarə kardə sistem ovaştəmon. Çəmə çəşi qılə, bəşəriyyəti ico irs Ayasofya məçit bə barzə muhafizəsəmtin ekosistem dənoə bəbe”, – vəziri votəşe. De əçey sıxani, bə tojə ğaydə ovaşte məğsəd ziyarəton intensivəti bə minimum eğande, ibadəton keyfiyyəti barz kardeye. 2024-minə sori yanvari 15-ku xarici şəhrvandon bə məçit dəşe de puli karde nəzərdə qətə bə. Bo Turkiyə şəhrvandon ibadət inən ziyarət bepul bəbe. 1500 sor tarix bə, UNESCO Dınyo İrsi siyahiədə vırə sə Ayasofya bina peğətə bə peş, sıftə kilsə, İstanbuli fəthi bə peş məcit, 1930-minə soriku bənə muzey fəaliyyətədə bə.