“Kanal 11” internet televiziya direktor,reportyor Teymur Kərimovi qətə be xəbə doə bedə. Bın barədə əçe əvlodon məlumatşon pevolo kardə. De əçəvon sıxani, dekabri 11-də saat 12.00 nezi, de ey əlaqə oğəte mumkun bə ni. Teymur Kərimovi telefon həmuş kardə bə, əçe bə kon vırə barde zınə bedə ni.

Dılətonə Koon Vəzarətiku hiç qılı məlumat se mümkün bə ni.

“Kanal 11” internet televiziya de Teymur Kərimovi band bəyonatış pevolo kardə. Bəyonatədə, reportyori iyulədə kəşə, həm “Kanal 11”, həmən “Azad söz” internet televiziyonədə pevolo kardə bə reportaji bə peş əçe bə ciddi təzyiğon məruz mande ğeyd kardə bedə. Sıxan Daşkəsəni ə vaxtinə icra sərdor, navkonə deputat Əhəd Abıyevi band video-reportajiku şə.

Polison bə Teymur Kərimovi kə omən, əçeku şikat be votəşone. Polisxonə bardə bə peş əyo bey nomon səhv eqıniyeşon votə. Ğərəz bimi, Teymur Kərimov de cürə-bəcurə vonon bə polisxonə bo izahat doe qorə vanq kardə bə, bey video-reportaji pevolo be vəy qəte ro zanqon kardə bən.

Mıddəti bə nav, qazion polison tərəfo bə zuy məruz mande, bimi etiroz kardə xonəxon kəşe qorə bey tars ehaştə bə, bə polisxonə vanq kardə bə.
Dılətonə Koon Vəzarətiku Teymur Kərimovi barədə hıç qılı məlumat se mumkun bə ni.