2008-2019-minə soron Sumqayıt Şəhər Məhkəmə hakim bə İlyas Mahmudovi hukm handə bə. Dekabri 18-də Sumqayıt Qonə Cinayəton Məhkəmə doə hukmədə İlyas Mahmudovi 9 sor ozodətiku məhrum karde ğeyd kardə bə.

De doə hukmi, İlyas Mahmudov de Cinayət Məcəllə 295.1 (zıne-zıne beədolətinə hukm, ğətnomə, qərardad), 308.2 (bə qonə nəticon səbəb bə vəzifə səlahiyyətonku sui-istifadə) iyən 311.3.2 (təkror rışvə se) maddon taxsiko zınə bə..

Bə İttihomi əsas, İlyas Mahmudov hakim ko kardə mıddətədə xüsusən pensiya, muavinət, ko staj məsəlon band iddion diə kardeədə du be zıne-zıne, həmonə məlumatonədəş istifadə kardə. Əçe ğəbul kardə ğəraron nəticədə bə xeyli odəmon beəsos pensiya iyən muavinəton təyin kardə bə. Nəticədə Əmək iyən Əhali Sosial Mudafiə Vəzarəti 243 həzo 441 mənot ziyan qınə. In vəzarət navkonə hakimi koədə zərərkəşəy ğismədə zınə bə.

İttihomədə İlyas Mahmudovi bın ğəraron qorə rışvə se iddio kardə bedə..