De doə məlumati, 1 manqisə vey dəstqirətiədə bə Əziz Orucovi vəynə de Cinayət Məcəllə 206.3.2 (kontrabanda –navədə daşt bə daşt bə i qrup xonəxon tərəfo kardeədə) maddə ziyodə ittiham doə bə.

Bın maddədə 5 soriku tosə 8 sori ozodətiku məhrumkardə cəzo nəzərədə qətə bə.
Jurnalistin Almaniyada jiə boə, “Kanal 13” təsisəkə Anar Orucov navədə joğo qılı ittihomi doə be zıneş ğeyd kardə be.

Əziz Orucov noyabri 27-də qətə bə, ruji bə peş Səbail Rayon Məhkəmədə əçe barədə bo sıftənə istintağ mıddəti ro 3 manq dəstqirəti ğətimko tədbir vıjniə bə.

İnternet televiziya direktor de Cinayət Məcəllə 188.2 (Mılkiyyət, istifadə və ya icarə huğuğ nıbə zəmin sahədə ıştənbəsə dutey və ya onoə koon karde) maddon ittihom doə bəbe.

Əziz Orucov ın ittihomi absurd be,ıştə dəstqirəti rəhbərəti kardə kanali fəaliyyəti anqılış kardə.
.