Bo Ğaraboği bərpo ro devlət budcəku 7 milyard dollarisə vey vəsait co kardə bə. Çın vəsaiti tosə 4 milyardi bə Turkiyə şirkəton doə be barədə

İqtisadiyyat vəzir Mikayıl Cabbarovi məlumatış doə.

De Cabbarovi sıxani, oxonə se sorədə Azərbaycani sərmayə resurson vey hissə bə tojə ərazion bərpo sər kardə bə.

Navədən de sər vəzir Əli Əsədovi vote, muharibəku bə peş oxonə se sori bo Ğaraboğ iyən Şərqi Zəngəzur iğtisadi rayonon bərpo ro devlət budcəku 12 milyard mənot co kardə be votəş be.

2024-minə sori devlət budcəku bın koon 4 milyard mənot vəsait nəzərədə qətə bə.

De əçe sıxani, “Yolə oqarde dair Devlət Proqram”i icro qorə 2022-2026-minə soronədə təqribən 31 milyard mənot məbləğədə vəsait tələb bəbe.
Tosə 2026-minə sori 140 həzo odəmi əyo kuç karde qorə rayon iyən şəhəron xarçon ro budcədə 50 milyon mənot vəsait nəzərədə qətə bə.

Mudafiə iyən əmniyətəti xarcon 2024-minə sori devlət büdcə xarçon 18 faizi və ya 6 milyard 500 milyon mənot təşkil bəka. In rəqəmən bəsə 2023-minə sorisə 366 milyon mənot və ya 6 faiz ziyode.