Masali rayoni Hışkədə di əji Rəşad Əhmədovi bə çəmə əlehdə muxbiri zinə doə xəbədə   Masali rayoni polison Bırədiqo polisi xonə əy norohət karde barədə votəşe. De Rəşad Əhmədovi votəy polison navədə əvışon bə Bırədiqo polisi xonəşon bardə çəyo peqətəşon bə Masali mərənqo polisi xonəşon bardə. Çe Rəşad Əhmədoviku iqlə sıxanışon parsə:

“ Tı bo çi Tırkiyə pərçəmı sute pidə, tıni dastqir bəkamon”?. Çoçinəti ıme ki, Rəşad Əhmədovi ım sıxanış, Tırkiyə pərçəmi sute hiç vırədə nə bə qəvış vardəni, nəən qılə vırədə nıvıştəş ni, polison jıqo bıhtoni bo çiçi bə çəy qi şodoşon pidə, çəyoən bəy dasqirxonə tarsi dodən? Har çi çəş vində koy. Orəxnə vaxtonədə Tolışi Ozodəti Hımıcımi kardəyon vində Ozobiconi polis ğoym bə tars dəşə, əve dılışone i xonəxo pəydo bıkən, əy dasatqir bıkən bıdə əmandəniyə tolışon bıtarson. Jıqo çəm çe Ozobiconi polisi kanə mije.

Rəşad Əhmədovi qınokor kardero Tırkiyə pərçəmi bə miyon şodoydən. Oxo Tırkiyə pərçəmi bə əmə, bə tolışon çe dəxlış heste? Jıqo beşedə Tırkiyə pərçəm çe əvon dastədə bə tolışon vəynə bə əbjor peqardə. Navədə əvon ım pərçəmi  Masali Kulətoni miyonə məktəbədə rost dodən karde, peşo bə Rəşad Əhmədovi qiy noşon pidə ki, əy ım pərçəmış sutney piəşe. Jıqo – jıqo koon. Əmə de Rəşad Əhmədovi ara oqətedəmon, diəkəmon çı koy orəx bə kom vırə beşedə.

Xıdo ıştən bə tolışon koməq bıbo. Amin !

Masal – Bırədiqo – Hışkədə.

Sərdor Bunyadov.