1 sor nim bə nav dəstqir kardə, bın rujonədə 6 sor 6 manq ozodətiku məhrum kardə bə “demokratik.az” sayti rəhbər Osman Rzayevi (Nərimanoğlu) jimoni həmro əçe şuəku ğisas se iddio kardə. Qeygel əji Arzu Rzayeva, bəçe şuə vəynə plan hozzo kardə be həxədə nav dəstqirəti xəbə kardə be votedə.

Osman Rzayev Qeygel Mərkəzi noxəşxonədə dəmon maxinasiyon, dələmurtətiyon barədə materialon hozzo karde votə bedə. Noxəşxonə rəhbər Vasif Əliyev de rayon prokurori daşt -bədast be qorə, əvon bə Osman Rzayevi şər ğande iddio kardə bə. Noxəşxonə koəkon bə sayt rəhbəri dim oğətə, əçe 9 kəsiku pul tələb karde bə məhkəmə bekardə bə.

40 sininə Osman Nərimanoğlu həxədə 6 sor 6 manq ozodətiku məhrumkardə hukm Qəncə Qonə Cinayəton Məhkəmədə doə bə. Hukmədə, sayti rəhbər de Cinayət Məcəllə 182-minə (de tars ome tələb karde) maddə ittihomi məhkəmədə təsdığ be iddio kardə bə.