III Respublika Platforma uzv Ruslan İzzətli bə hərbi təlimon vanq kardə be barədə əçe ıştəni tərəfo məlumat pevolo kardə bə.

Pevolo kardə bə məlumatədə, yanvar 31-də Səfərbərəti iyən Hərbi Xıdməti Vanqi ro Devlət Xıdməti Ağdam Rayon Şebəku bey zang kardə iyən fevrali 1-də bə rayon ome tələb karde ğeyd kardə bedə.

İzzətli dəvon fevrali 2-də ome bəzne, həftə 5-minə ruji xıdməti Ağdam şebədə tibbi komissiyaku dəvarde roziəti omə. Ey bəvon votəşe ki, 2020-minə sori mayədə hərbi xıdmət bareədə səhhətədəş ciddi problemon be, əmmo Mudafiə Vəzarəte əvış bə məcburi hərbi xıdmət bardə, xıdməti 3-minə manqəda əməliyyat bə.

Ruslan İzzətli bə xıdməti koəkon hərbi xıdmətədə be iyən 44 rujinə II Ğaraboğ muharibədə iştirak karde bıvotoən, əvon in təlimon de Prezidenti asparde dəvonə beşon votə.

İzzətli imi siyasi sifariş be fik kardedə.
Əv, 2020-minə sori fevrali 9-də Azərbaycanədə dəvardə parlament səçınonədə namizəd bə, səhhətədəş problem bıboən həmonə sori mayə manqədə bə hərbi xıdmət vanq kardə bə..

Əçe namizəd bə 33 numrəninə Xətai dıminə səçın dairəku səçıni nəticon ləğv kardə bən.
Ruslan İzzətli 2023-minə sorədə təsis kardə bə III Respublika Platforma onoə heyəti uzve.