Azərbaycan Demokratiya iyən Rifah Partiya (ADR) Cıvonon Təşkilat Komitə uzv Əyyub Çələbi dəstqir kardə bə. Partiyaku doə məlumatədə, fəali fevrali 10-də saat 18.00 nezi bə dukon şe ro kəyku beşə vaxtiku bə dumo onıqarde ğeyd kardə bə.

Əyyub Cələbi kəy nezi mulki olətinə xonəxon tərəfo de zu bə maşin nışandə be votə bedə.

“Həmonə mulki olətinə xonəxon polis be ehtimol kardə bedə. Əmmo bə xeyzoni 1 sutka cıvonə əğıli bə kovrə barde barədə hiç qılı məlumat doə bəni”, – partiyaku bəyon kardə bə.

Əyyub Çələbi Ğaraboğ əlil Xəyyam Çələbi zoe. Əv, Qaradağ rayonədə jidə..

Dılətonə Koon Vəzarəti mətbuat xıdməti doə xəbədə, Əyyub Çələbi polison tərəfo oğətə be, əçe de məhkəmə ğərari 30 sutka inzibati ğaydədə dəstqir kardə be votə bedə.