Lankonədə bə Beynəlxalq Moə zıvoni həsr bə tədbiri dəvone icazə doə bə ni.

Tədbiri təşkil bıkəyonədə qılı, Kenul Rəsuli bın barədə pevolo kardə məlumatədə tədbiri dəvone manqi bə nav nəzərədə qətə be votə bedə.
Bo tədbiri ruji dı ruj mandə Lankon Şəhər Polis İdarə xıdmət ro rəisi muavin İltifat Yusifov hiç qılı səbəb nıvardə tədbiri dəvone. ğədəğən kardə.
“2 manqe ki, Votsapədə dınyo muxtəlif vıronədə jiə tolışə zənənəku ibarət “Rüşnə” qrupmon soxtə. Bə ğəror omimon ki, sosial şəbəkonədə tolışi zıvonədə şeir votə hırdə əğlon bə ivrə qırd bıkəmon, bəvon hədiyon bıdəmon. 12 əğıl peydo kardə bə peş, Lankonədə bə qılı kafe qırd bəbəmon, qədə tədbir dəvonəmon, hədiyyon təğdim bıkəmon”, – Kenul Rəsul votedə.

De 30 xonəxo iştiraki mərasimi yanvari 28-də rayoni Şağlaser di kafeədə de beh oğəte bə ğəror sə bə:
“Tədbirmon bə tətil eğande ki, əğlon bə tədbir rohət ome bıznon. Həmən əçe video material 21 fevralədə – Beynəlxalq Moə zıvoni rujədə pevolo bıkəmon. Bo tədbiri ruji mandə, yanvari 27-də Lankon Şəhər Polis idarə xıdməti ro rəisi muavin İltifat Yusifov Masalli rayoniku bə i xonəxo – tədbiri təşkilati koonədə bəmə koməq kardə odəmi – bo, tədbir dəvone ro çikikuyon icazə se, ğanun bın tədbiri dəvone imkan dodəni votəşe. Sıxan kon ğanuniku se bardədə parsi İltifat Yusifovi hiç qılı əsas vardeş zınə ni”.

Lankon rayon polis idarə koəkon tərəfo yanvari 27-də kafe bastə, yanvari 28-də isə vıjorə ruji, kafe xıvand bə polisxonə vanq kardə bə, əçeku izahat sə bə. 2 ruj bə kafe ko karde ğədəğən noə bə.Bo tədbiri dəvone vırə peydo karde nıznə fəalon, vey xonəxon opırtiyə bə peş məcbur bən tədbiri şair Xanəli Tolışi kədə dəvonon.

Iştə coni çın keşvəri roədə ğıbon doə mərdumi hiç istə zıvonədə qəp je həxşən ni bın məmləkətədə. Hələ keynə…