Yolə Britaniya hokumət Londonədə azərbaycani deputat Cavanşir Feyziyevi iyən əçe jimoni həmro de ğanuniku bəkəno bə dast vardə ğəzəncon hisob bo hıriye nəzərədə qətə 22 mılki blokış noə. Bın məsələ fevrali 22-də Ali Məhkəmədə diə kardə bə.

Mılk sənədonədə, 39 milyon 500 həzo funt sterlinq (təxmini 50 milyon dollar) ğıymət hıriyə əmlokon 2023-minə sori iyunədə de Ali Məhkəmə qərari blok noə ne ğeyd kardə.

Yolə Britaniyanın Milli Cinayət Agentəti (MCA) navədən siyasətmədari xeyzoni bənk hesobonədə de milyonon funt sterlinq be qorə təftiş kardəşe. Agentəti ın məsələ 2017-minə sorədə OCCRP tərəfo bənə “Azərbaycani Pulşıştə Maşin”i beynəlxalq çırkinə pulon şışte band bə dim beşə sxemi oşko be bəyonış kardə.

2022-minə sorədə Feyziyevi jimoni həmro, zoə Orxan, boə zoə Elmani bə Cavanşiri məxsus hesobonədə qirdə bə vəsaiton 5 milyon 600 həzo funt-sterlinqiş sanksiyə noə be.

Feyziyev 2010-minı soriku tosə 2022-minə sori Azərbaycan-Yolə Britaniya parlamenmiyonə əlaqon koy qrupi iyən Avropa İttifaq-Azərbaycan Parlament Komitə həmsədr vəzifədəş ko kardə.