Abşeron Rayon İcra Hakimiyyəti Kommunal Xıdməton İdarə sahə rəis Vəli Abbasovi həxədə cinayət ko bino bə. Əv, de Korrupsiya Mubarizə İdarə bardə əməliyyatiı nəticədə oğətə bə. Sahə rəis bə cinayət məsuliyyət cəlb kardə bıboən, dəstqir kardə bə ni.

İstintağ mıddəti ro əçe barədə polisi nəzarətədə be ğətimko tədbir vıjniə bə.

Sər Prokuratura mətbuat xıdməti bın barədə doə məlumatədə Vəli Abbasovi Xırdalan əraziədə bo jimoni ro fərdi kə ejəni icazə doe 6 həzo mənot pul se votə bedə. Sahə rəisi bə Abşeron Rayon İcra Hakimiyyəti iyən əlidə devlət onemonon vəzifəninə xonəxon ğərari təsir karde imkanədə be qorə pul se iddio bedə.

Vəli Abbasov de Cinayət Məcəllə 312-1.1-minə (bə vəzifəninə xonəxo ğərari təsir karde – nufuz savdı) maddə ittihom kardə bedə.

Bın cinayət koy qorə istintağ de Korrupsiyaya Mubarizə İdarədə bardə bedə.