2023-minə sori dınyo əhali 20% jiə 52 keşvərədə siyasi huğuğon iyən ozodətiyon bə kam bən.

“Freedom House” beynəlxalq inson həxon təşkilati fevrali 29-də ıştə hesabotoş oşko kardə.

Hesobot “Dınyoədə ozodəti 2024: Darıştə səcınon iyən silahinə munağişon ziyodə zərər” nomədəy.
Dınyoədə ozodətiyon bə dumo şe əsas səbəbon, səçınon manipulyasiya, muharibon, bə plyuralizmi hucumon nuşu doə bə.

Holiədə dınyo əhali 38 faiz ozod nıbə, 42 faiz ğismən ozod, 20 faiz ozod keşvəronədə jimon karde ğeyd kardə bedə.

Hesobotədə Azərbaycan qlobal ozodəti indeksədə 100 mumkun xaliku 7 xal qırdış kardə, ğeyri-ozod keşvəron restədəy.

Bə Azərbaycani aid vəslədə, avtoritar rejimədə zu hələn 2003-minə soriku Prezident vəzifə icro kardə İlham Əliyevi, əçe xeyzoni iyən toyfə dastədə cəm be ğeyd kardə bə.

Oxonə soron keşvərədə dini diskriminasiya, mıstəğıl media iyən cəmiyyəti səpe təzyiğon vey, Ğaraboğe nəzarəti bərpo Prezident İlham Əliyevi keşvərədə populyarətiş ziyod, bə Ermənistani hucumon band ehtimal vey be votə bedə.