Səlyonədə 1 ruji – marti 1-də i xeyzoni dı uzv bə ğətl rosniə co-co hadison qınən. Çın ğətl hadisonədə qılı rayoni Pambıqkənd, qılıən Kərimbəyli dionədə qınən.

Kərimbəyli diədə navkonə sər həkim İsrafil Məmmədov iyən əçe jimoni həmro Munəvvər Məmmədova istə jiə kədə kıştə bən. Çəvon deyninən de jiə tosne, sə nahiyəku de kılə əşyon jə zərbon nəticədə bə ğətl rosniə be votə bedə. De doə məlumati, cinayəti bo tamah məğsədi karde ehtimal kardə bedə.

Pambıqkənd diədə isə moə de ıştə zoə bə ğətl rosniə bə. Hadisə marti 1-də saat 16.00-də qıniə.
1963-minə sori təvəllidin Rahilə Əliyeva, əçe zoə,1992-minə sori təvəllidin Bəhruz Əliyev de çəxo jə bən.

Peş hadisə 43 sininə Ziya Əliyev bə polisə omə, təslim bə. Əv, istə boə jeni de əçe zoə heseə-bes zəminədə kışdeədə ittihom kardə bedə.

De fakti band Səlyon Rayon Prokuraturadə de Cinayət Məcəllə 120.2.7-minə (dı və ya həniən vey xonəxo kışte) maddə cinayət koi bino kardə bə.