Dəstqirətiədə bə navkonə deputat Huseyn Abdullayevi 6 sorinə cəzo aprelədə bə orəx bırəsoən, əv, ozod kardə əbıni. Cəzo mıddəti orəxe 1 manq nim mandə bəçe vəynə nuə ittihom bə nav doə bə. Navkonə deputati barədə tojə cinayət koy ro istintağ bardə bea qorə əv, cəzokəşə muəssisəsəku bə Kurdəxanı İstintağ Təcridxonə ovoştonə bə.

De doə məlumati,bə Huseyn Abdullayevi vəynə de Cinayət Məcəllə 193-1.3.2 (de cinayət ro bə daşt vardə əmloki leqal karde) maddə ittihom bə nav doə bə. Dın maddə sanksiya əv 7 soriku tosə 12 sori ozodətiku məhrumkardə cəzo se bəzne.
De tojə cinayət ko istintağe əlaqədar əçe barədə dəstqirəti ğətimko tədbir vıjnie ro prokuratura bə məhkəmə təğdimatış edaştə. Marti 5-də de Binəqədi Rayon Məhkəmə ğərari əçe barədə bo sıftənə istintağ mıddəti ro 4 manq dəstqirəti ğətimko tədbir vıjniə bə.

Nuə cinayətə koədə sehbət Huseyn Abdullayevi bənk hesobədə bə vəsaitonku şedə.
Çın ko istintağ Sər Prokuratura İstintağ İdarədə bardə bedə.

Huseyn Abdullayev ittihomi ğəbul kardə ni, ıştəni taxsiko zınedə ni.

Huseyn Abdullayev 2007-minə sorədə parlamenti qırdemonədə de deputat Fəzail Ağamalı dave qorə dəstqir kardə bəbe, mıddəti bə peş de şərti cəzo bə ozodəti vadoə bəbe. Bə ozodəti beşə bə peş bə Almaniyaya mühacirət şə, 2014-minə sorədə əyo statusış sə.

Əv, 2018-minə sori aprelədə İstanbulədə qətə bə peş, bə Azərbaycani huğuğ-muhafizə orqanon təhvil doə bəbe.