Həkim Aydın Əliyev bəçe riz eqıniə be barədə “Facebook”ədə məlumatış pevolo kardə. Əv ın xəbə etiboninə mənbonku se iddio kardedə:

“De sə məlumaton, bə çımı riz eqıniən, de şər, behton, ğəzo mınşon “pebuşne”şon pidə. Navədə xəbə kardəm, əqəm dımı band ləkəjə kampaniya bıbo, ğəti bovə məkənən! Bıznənən ki, ım bə çımı qətə mevqe qorəy”.

Daim səhiyyə sistemədə problemlon tənğıd kardə həkim de hiç şəxsi ğərəzəti nıbeş nıvıştə.
Aydın Əliyev həmən media huquği ro ekspert, huğuğşunas, “Toplum TV” təsisəkə Ələgər Məmmədli əvlode. Ələsgər Məmmədli “Toplum TV” qorə cinayət koy band dəstqir kardə bə. Aydın Əliyev əçe dəstqirəti video “Facebook” platformadə pevolo karde qorə təhdid be ehtimol kardedə.