Boku Şəhər Halğə Əməliyyat Şirkəti (BCCOC) navkonə şebə mudur Çingiz Mehdiyev “Formula 1” təşkilədə 400 həzo mənot vəsaiti dələmurtədə ittihom bedə. Nezə rujonədə Boku Qonə Cinayəton Məhkəmədə dın cinayət koy band məhkəmə proses bino kardə bəbe.

2015-2020-minə soronədə Boku Şəhər Halğə Əməliyyat Şirkəti idmon əməliyyaton şebə rəhbər Çingiz Mehdiyev de Cinayət Məcəllə 179.3.2 (kulli miğdarədə dələmurt), 193-1.3.2 (de cinayət ro bə daşt vardə xeyli miğdarədə əmloki leqal karde), 308.2 (vəzifə səlahiyyətonku sui-istifadə karde – bə qonə nəticon səbəb beədə) iyən 313-minə (vəzifə saxtakorəti) maddon ittihom bedə.

Əmmo əv, dəstqir kardə bə ni, İstintağ mıddəti ro əçe barədə bə əlidə vırə nışe tədbir vıjniə bə. İstintağ mıddətədə əçe bə dövləti jə ziyan i hissə (təxminən 100 həzo mənot.) oqordone iddio kardə bedə.
Məhkəmə sıftənə qırdemon martə manqi 18-də dəvonə bəbe.