Əl-Cəzirə xəbəiyə kanal ilon kardışe Turkiyə pırezident Rəcəp Təyyeb Ərdoğən ımruj gıləy pılan deştə ulkə əsgəron bə Ozərboycon Respublikə vığande unvani bə Turkiyə parlıment doəşe.

De ın raportı əsos Ozərboycon Respublikə hokumətı agentən çı Turkiyə əsgəron bə Boku vığandeku pişvoz kardəşe iyən ın məsələ Turkiyə iyən Boku arədə əloğon zumandbıe səbəb zıniyəşe.

Ozərboycon Respublikə agent ilon kardışe ki Turkiyə nizamiyə ğıvvon iyən əsgəron bə Boku vığande de ın 2 gılə ulkə arədə estırategiyə həmkoətion əsos əncom bedən. Boku iyən Turkiyə arədə əmniyətiyə həmkoətion ğərordad ımsornə fevralə mangı 25-minə rujədə de İlham Əliyev iyən ərdoğanı vəsilə imzo bəy.

De ın ğərordadı əsos Turkiyə 200 miliyon lir bə Boku kıməgəti kardedə ki Bokuən de ın puli çı Turkiyə mudafiə sənoye təşkilatondə məhsulon hıryedə.