Ozobiconi şəhrvandi ozod kardey Stepanakerti ğədəm, de həyfi, Ozobiconədə ogətə bıə erməniə əsiron ozod karde məsələdə hiç təsirış nibəbe. Çımi həxədə Arsaxi prezidenti mətbuoti kotib Davit Babayani elonış kardə.

Bə çəy sıxanon əsosi, demi bə ico əmə zındənimon de insoni de beinsofəti rəftor bıkəmon əncəx de ə səbəbi ki əv xariciye.

Babayan votedə: “Boku pidəşe çəmə zoəon de Arsaxədə həbsədə bıə dı gılə teroristə ğəttoli mıbodilə bıkə iyən beynəlxəlğə cəmyət bəpe ım məsələ be cəvob nahaştı. Arsaxi zindonədə ısət ğərəyz 2 teroristə ğəttolon Dilqəm Əsgərovi iyən Şahbaz Quliyeviku co ozobiconıjon həbsədə nin, vəhalınki ciddiə şəkımon heste ki, Ozobiconədə həni Ğərəboği cangi vaxtədə gətım kardə bıə da-da, hətto mımkune ki sa-sa ermənion hestin. Əvon adiə şəhrvandonin ki, Bokuədə çəvon nomon iyən familiyəon dəgiş kardəşone ki, beynəlxəlğə təşkiloton əvon pəydo nıkən. Sıvoy çımi əvon çəvon organon havatəşone, ğolam kardəşone. Çımi həxədə Ozobiconi əsirətiku de mеcuzə xılos bıə odəmon nəğl kardəşone”.

Bə Babayani sıxanon əsosi, ım odəmon şəhodəton vaxtbəvaxt həm de dovləti, həmən de ictiomoiyə təşkiloton vositə beynəlxəlğə instansiyəonədə edaştə bedən, əmma detobə ısət hiç nəticə ni, çunki bənə Ozobiconi duəvojə hamsiyə ko vindedəmon.