Ozobiconi dəvləti xonə de prezidenti otovi nuə sərvəzirış noy.  Çı pesoxtə keşvəri beməxə hukməti nuə sərvəzir Əli Əsədove, binim 1956 – nə sori Naxçıvanədə çe moəmo bıə. Detobə ımrujnə ruji əv Ozobicini Respublika Prezidenti iqtisodi koysə məsləhətədə dastəqəti , prezidenti xonə sərdori nimsərdorış ko kardəşe. Əsədov Əli Hilali zoə 1974 – nə sori Boku 134 – nə miyonə məktəbi, 1978 sori Moskva Xəlqi Ovdemoni inistitutış oroxniyəşe.

Bə ko SSSRİ vaxti Dəvləti Eçıni Mərənqoədəş bino kardə. 1978 – 1980 – nə soronədə sərbozəti reçədə bıə. 1995 – 2000 nə soronədə Ozobiconi Milli Məclisi iminə qırdəbemoni deputat nbıə. Imsor okyabıri 8 – də Ozobivoni hukuməti sərvəzir noə bıə.

Çoknəy vindon, oiqlə naxçıvanıj şedə bə çəy vırə co qılə naxçıvanıj omeydə. Tolışonən hələ bə çəşin ki, naxçıvanıjon de yerazon bo əvonro ruj bəbəmen. İyoşon votə “Kəçəlim kam bey, luzimən ğorəy kard” (yolon sıxan).

Əve xosə tolışon, boənən bo ıştə dari ıştən çarə bıkəmon. Çı kujonədə bo əmə hiç çi benıbəşe. Boənən ıştən dast, ıştən yəxə bıbəmon!

TolishMedia